Adran Dau: Swindon 2-0 Casnewydd
- Cyhoeddwyd
Fe wnaeth tymor gwael Casnewydd barhau ddydd Sadwrn gyda cholled oddi cartref yn Swindon.
Cafodd Casnewydd y dechrau gwaethaf posib, gyda'r tîm cartref yn mynd ar y blaen wedi llai na 10 munud gyda gôl gan Dan Kemp.
Roedd yr ymwelwyr yn dal yn y gêm am y mwyafrif llethol ohoni, cyn i Rushian Hepburn-Murphy rwydo gyda llai na 10 munud yn weddill er mwyn selio'r fuddugoliaeth i Swindon.
Mae'r canlyniad yn golygu fod Casnewydd yn disgyn un safle yn Adran Dau, o 19eg i 20fed.