Cwpan y Pencampwyr: Caerdydd 15-54 Harlequins
- Cyhoeddwyd
Marcus Smith yn disgleirio i'r Harlequins nos Sadwrn
Roedd yna fuddugoliaeth gyfforddus i'r Harlequins nos Sadwrn yng Nghwpan y Pencampwyr wedi iddyn nhw drechu Caerdydd o 54-15 ar Barc yr Arfau.
Fe sicrhaodd yr ymwelwyr wyth cais i gyd - pedwar yn yr hanner cyntaf a phedwar yn yr ail.
Thomas Young oedd seren Caerdydd wedi iddo sgorio dau gais.
Sgoriwyd y gweddill o bwyntiau Caerdydd gan Tinus de Beer wedi trosiad a chic gosb lwyddiannus.
15-28 oedd y sgôr ar hanner amser wedi i Gaerdydd gael dechrau addawol ond doedd 'na ddim mwy o bwyntiau i'r tîm cartref ac fe aeth yr ymwelwyr o nerth i nerth.
Roedd 12,000 yn gwylio'r gêm gyda phob tocyn wedi'i werthu - ond siom i gefnogwyr Caerdydd wedi nifer o gamgymeriadau.