Porthmadog: Heddwas i wynebu achos ym mis Medi

Mae PC Richard Williams yn wynebu dau gyhuddiad mewn cysylltiad ag arestio dyn ym Mhorthmadog ym mis Mai y llynedd

Bydd heddwas gyda Heddlu'r Gogledd yn sefyll ei brawf ym Medi wedi ei gyhuddo o ymosod ar ddyn yn ystod arestiad.

Wrth ymddangos yn Llys y Goron Caernarfon plediodd Richard Williams, 42, yn ddieuog i ddau gyhuddiad mewn cysylltiad ag arestiad Steven Clarke ym Mhorthmadog ym mis Mai 2023.

Mae PC Williams yn gwadu dau gyhuddiad, un o dagu bwriadol ac un o ymosod gan achosi niwed corfforol.

Clywodd y llys fod disgwyl i'r achos llys bara am bedwar diwrnod, gan gychwyn yng Nghaernarfon ar 16 Medi.

Mae Richard Williams wedi ei wahardd o'i waith gyda Heddlu Gogledd Cymru.