Cyngor: 200 o swyddi dan fygythiad?

Gallai'r cyngor arbed £4.8 miliwn drwy dorri 200 o swyddi

Bydd cynghorwyr ym Mhowys yn pleidleisio ar gynllun i ddiswyddo tua 200 o staff yr awdurdod lleol.

Mae Cyngor Powys ceisio arbed £30 miliwn dros y tair blynedd nesaf.

Gallai'r cyngor arbed £4.8 miliwn drwy dorri swyddi rheolwyr ond maent hefyd yn ystyried torri 75% o grantiau cymunedol a dechrau codi tâl ar drafnidiaeth i ddisgyblion dosbarth chwech.

'Newidiadau sylfaenol'

Bydd y cyngor llawn yn pleidleisio ar y cynigion mewn cyfarfod yn Llandrindod ddydd Iau.

Mae nifer o swyddi rheolwyr i dan fygythiad wrth i'r cyngor geisio lleihau'r gweithlu o 4%.

"Bydd y newidiadau yn effeithio uwch swyddi gan gynnwys proses gwerthuso swyddi," meddai arweinydd y cyngor, David Jones.

Dywedodd Mr Jones fod y cyngor wedi rhybuddio staff a defnyddwyr eu gwasanaethau fod angen gwneud newidiadau sylfaenol ers peth amser.

"Byddwn yn canolbwyntio ar gyfrifoldebau a swyddogaethau unigolion a gwasanaethau ar draws y sefydliad," meddai.

Dywedodd trefnydd rhanbarthol Unison, Andrew Woodman: "Ni fydd cael gwared â swyddi rheolwyr yn ddigon i sicrhau cydbwysedd yn gyllideb.

"Rwy'n ofni bydd y toriadau hyn yn lledu i lefelau eraill yn y cyngor.

"Rydym yn ymwybodol bod cynghorau lleol Cymru o dan bwysau ariannol ond nid torri swyddi yw'r ateb."