Hoff Le: Eich lluniau chi

Croeso i'r casgliad cyntaf o rai o'r llu o luniau 'Hoff Le' hyfryd sydd wedi cyrraedd BBC Cymru Fyw cyn belled.

Mae 'na ddigon o amser i gyfrannu ac mae manylion sut i gysylltu i gyd ar y dudalen yma.

Edrych 'mlaen i weld eich lluniau ac i ddarllen eich straeon.

"Ar lan yr afon Teifi yn Maesycrugiau, ar bwys eglwys Llanllwni. Tawel, hudol, disglair." - Gwen Màiri

Copa'r Wyddfa - Jonathan Lloyd

Mynydd Caerffili - Heledd Thomas, Cadeirydd Pwyllgor Ieuenctid Eisteddfod yr Urdd Caerffili a'r Cylch 2015

"Dyma lun o'r olygfa wrth sefyll ar frig ein mynydd bach yma yng Nghaerffili. Un o fy hoff fannau i gerdded gyda chwmni fy nghi, Cadi, yn enwedig ar nosweithiau yn yr haf er mwyn cael seibiant bach rhag yr holl adolygu!"

"Arfordir Ceredigion ger gwersyll yr Urdd Llangrannog. Pa le gwell ar ddiwrnod braf?" - Mari Dalis-Davies

Tŷ Mawr Wybrnant - Anwen Evans

Meddai Anwen Evans: "Un o fy hoff lefydd yw Tŷ Mawr Wybrnant ger Penmachno, Dyffryn Conwy, sef cartref yr Esgob William Morgan.

"Yr ardd, gyda phlanhigion yn adlewyrchu yr ardd fel ag yr oedd hi yn y 16eg ganrif, yw fy hoff le - eistedd ar fainc fach ger wal gerrig, gyda choeden afalau yn ymestyn ei brigau dros y fainc, ac afon yn llifo gerllaw, Arogl hyfryd y blodau yn gymysg efo'r mwg coed tân o simdde'r tŷ, a'r adar yn canu. Yn wir, yng ngeiriau R Williams Parry: "...mae yno flas y cynfyd, yn aros fel hen win".

"Mae'r holl ardal yn brydferth tu hwnt, ond yn bennaf oll, mae'r llonyddwch a'r distawrwydd yn falm i'r enaid."

Comin Uwchgwyrfai, Y Fron - Hoff Le Eric a Lili (a'u perchennog Carys Tecwyn)

"Un o fy hoff lefydd i gerdded - yr Eifl, Trefor," meddai Dafydd Elfryn

Bae Abertawe o Fynydd Cilfái - hoff le Ollie a Chico

Caffi Valla's ym Mangor - at ddant y cyflwynydd a'r newyddiadurwr Aled Hughes

"Lle perffaith i fynd am dro yn ystod awr ginio a hel atgofion am ddyddie coleg." - Elen Lois Williams

Dôl Wiber - cartref Clwb Rygbi Castell Newydd Emlyn

Ynys y Barri gyda'r teulu - Brian Davies, Rheolwr Tîm Cymru yng Ngemau'r Gymnwlad 2014

"Y Bwlch yn yr haf efo hufen iâ, ac yn edrych lawr ar y cymoedd," Jack Thomas

Traeth Coch, Ynys Môn - Llwyd Owen

Ystafell 139, Neuadd Pantycelyn, Prifysgol Aberystwyth. "Dim byd ond desg, cadair a gwely yno ond roedd hynny'n ddigon." - Gwenno Edwards

Cymru o'r awyr! Uwchben Gŵyr - Leia

"Llangrannog - lle prydferth ac atgofion arbennig am y teulu" - @Toshfan44

"Y dro o Gwm Orthin, drwy Rhosydd ac i ben y Moelwyn. Nunlla gwell." - Llio Maddocks

Bro Ffestiniog uwch ben Maentwrog. "Golygfeydd hardd, hanes diwydiannol, rheilffordd Ffestiniog ond hefyd llonyddwch, ddistawrwydd a heddwch!" - Roger Van Praet

Castell Dryslwyn - Steffan John

Moel Famau yn yr eira - Alex Nolan

Porth Colmon - Cwrw Llŷn

Llyn y Fan - Sian Gwilym