Cymru 2-3 Yr Iseldiroedd
- Cyhoeddwyd
Fe lwyddodd Joe Ledley i sgorio wedi i Joe Allen fethu cic o'r smotyn
Cymru 2-3 Yr Iseldiroedd
Roedd llond trol o goliau, ond yn anffodus, noson Yr Iseldiroedd oedd hi nos Wener yn Stadiwm Dinas Caerdydd.
Er gwaethaf nifer o anafiadau i rai o sêr y tîm, fe gafodd Chris Coleman a'i dîm hyfforddi, gyfle i arbrofi a rhoi cyfle i chwaraewyr newydd.
Un o'r chwaraewyr mwyaf addawol nos Wener, oedd ymosodwr Blackburn Rovers, Tom Lawrence, a ddangosodd gryn addewid i Coleman wrth iddo baratoi at Euro2016.
Emyr Huws yn sgorio ei gôl gyntaf dros Gymru
Fe ddaeth y gôl gyntaf i'r Iseldiroedd yn dilyn peniad gan Bas Dost cyn i Gymru unioni'r sgôr gydag ergyd gan Joe Ledley ar ôl i Jasper Cillessen arbed cic o'r smotyn gan Joe Allen.
Fe lwyddodd Arjen Robbe i adfer mantais Yr Iseldiroedd ar ddechrau'r ail hanner, cyn i Emyr Huws sgorio ei gôl gyntaf dros ei wlad a dod a Chymru yn gyfartal eto.
Wedi i'r gôl-geidwad o Ddyffryn Nantlle, Owain Fôn Williams ddod i'r cae yn lle Wayne Hennessey ac ennill ei gap cynta' dros Gymru, fe lwyddodd capten Yr Iseldiroedd, Arjen Robben i selio'r fuddugoliaeth i'r ymwelwyr.
Bas Dost yn sgorio i'r Iseldiroedd