Arian loteri i adfer mynwent hanesyddol Wrecsam
- Cyhoeddwyd
Y capel sy'n rhan o fynwent Wrecsam
Bydd cyfle i bobl ardal Wrecsam gael cipolwg ddydd Sul ar gynlluniau i adfer mynwent Fictorianaidd yn y dre'.
Mae'r Cyngor Sir wedi llwyddo i gael cymhorthdal o £1.2 miliwn gan Gronfa Treftadaeth y Loteri er mwyn adfer a diogelu adeiladau hanesyddol sy'n rhan o'r fynwent, ac ar gyfer gwaith gwella neu adfer y tirlun.
Fe fydd y cynlluniau yn cael eu harddangos yn y fynwent tan 10 Ionawr.
Mae'r fynwent, adeilad rhestredig gradd II ar gofrestr Gerddi a Pharciau Hanesyddol Cymru.
Dywedodd llefarydd ar ran Cyngor Wrecsam fod y safle angen gwaith atgyweirio ar frys.
Mae Cadw, y corff sy'n goruchwylio safleoedd hanesyddol o bwys, yn dweud fod y safle o bwysigrwydd cenedlaethol yn ogystal â lleol.
Mae nifer o aelodau o gymuned Bwylaidd, a symudodd i Wrecsam wedi'r Ail Ryfel Bwyd, wedi eu claddu yn y fynwent.