Dyn o Lanelli yn cyfaddef hacio TalkTalk er mwyn blacmel
- Cyhoeddwyd
Daniel Kelley yn gadael y llys ddydd Mawrth
Mae dyn o dde Cymru wedi cyfaddef hacio i mewn i system gyfrifiadurol cwmni TalkTalk er mwyn mynnu taliad blacmel.
Fe wnaeth Daniel Kelley, 19 o Lanelli yn Sir Gaerfyrddin, bledio'n euog i 11 cyhuddiad o hacio, blacmel a thwyll ariannol yn llys yr Old Bailey.
Mae wedi cyfaddef hacio system gyfrifiadurol TalkTalk i gael data cwsmeriaid, ac yna mynnu taliad o 465 Bitcoin, taliad digidol sydd werth tua £285,000 heddiw, gan y cwmni.
Roedd hefyd wedi hacio i mewn i systemau nifer o gwmnïau eraill.
Digwyddodd y troseddau yn erbyn TalkTalk ym mis Hydref llynedd.
Cafodd Kelley ei ryddhau ar fechnïaeth, a dywedodd y barnwr y dylai ddisgwyl dedfryd o garchar pan y bydd yn cael ei ddedfrydu ym mis Mawrth.