Merched Kazakhstan 0-1 Cymru
- Cyhoeddwyd
Jess Fishlock yn dathlu sgorio unig gôl y gêm
Fe wnaeth Cymru ddechrau eu hymgyrch i gyrraedd Cwpan y Byd 2019 gyda buddugoliaeth yn Kazakhstan.
Aeth Cymru ar y blaen ar ddechrau'r ail hanner, gyda Jess Fishlock yn sgorio ei 30ain gôl ryngwladol gydag ergyd wych o ymyl y cwrt cosbi.
Bu'n rhaid i Gymru wneud y daith heb yr ymosodwr Helen Ward wedi iddi roi genedigaeth i'w mab yn gynharach yn y mis.
Bydd Cymru'n teithio i Rwsia yn eu gêm nesaf ddiwedd mis Hydref, mewn grŵp sydd hefyd yn cynnwys Lloegr a Bosnia-Herzegovina.