Cyhuddo pumed dyn wedi ymosodiad ar Ifan Owens
- Cyhoeddwyd
Fe wnaeth Ifan Owens ddeffro o goma ar 11 Chwefror
Mae pumed dyn wedi cael ei gyhuddo mewn cysylltiad ag ymosodiad ar fyfyriwr yn Aberystwyth ar 14 Ionawr.
Cafodd Ifan Owens, 19 o Gaerdydd, ei anafu'n ddifrifol yn y digwyddiad ar Y Stryd Uchel yn y dref.
Fe wnaeth Michael Arwyn Jones ymddangos yn y llys ddydd Mawrth wedi'i gyhuddo o achosi niwed corfforol difrifol gyda bwriad ac o fod â chanabis yn ei feddiant.
Cafodd ei gadw yn y ddalfa nes ei ymddangosiad nesaf.
Pedwar arall
Mae pedwar dyn arall eisoes wedi ymddangos yn y llys mewn cysylltiad â'r digwyddiad.
Fe wnaeth David Lloyd, 25, a Billy Michael Valentine, 19, ymddangos yn Llys Ynadon Hwlffordd ar 13 Ebrill i wynebu cyhuddiadau o ymosod.
Diwrnod yn ddiweddarach fe wnaeth Andrew Raymond John Scott, 24, Lee Andersen-Warnes, 20, ymddangos wedi'u cyhuddo o achosi niwed corfforol difrifol gyda bwriad.
Mae Mr Scott hefyd wedi'i gyhuddo o fod â chanabis yn ei feddiant.