Cerddwr wedi marw mewn gwrthdrawiad ger Casnewydd

Mae cerddwr wedi marw yn dilyn gwrthdrawiad â cherbyd ger Casnewydd brynhawn Sul.

Dywedodd Heddlu Gwent eu bod wedi eu galw yn dilyn adroddiad o wrthdrawiad difrifol ar yr A48 i gyfeiriad y ddinas am tua 14:00.

Bu farw'r cerddwr yn y fan a'r lle, ac mae swyddogion arbenigol yn cynnig cymorth i'r teulu ar hyn o bryd.

Mae'r heddlu wedi gofyn i unrhyw un â gwybodaeth neu luniau dashcam i gysylltu â nhw ar 101.