Beiciwr modur yn marw wedi gwrthdrawiad ar yr A543

Mae Heddlu Gogledd Cymru yn apelio am wybodaeth yn dilyn gwrthdrawiad angheuol ar yr A543 ger Bylchau, Sir Ddinbych ddydd Sadwrn.

Cafodd y gwasanaethau brys eu galw i safle'r gwrthdrawiad - rhwng beic modur Honda CBR 600 a Peugeot 206 arian - am 15:45.

Cadarnhaodd yr heddlu fod y beiciwr modur wedi marw yn y fan a'r lle.

Dywedodd Sarsiant Stephen Richards: "Rydym yn apelio ar unrhyw a welodd y gwrthdrawiad neu oedd yn teithio ar hyd yr A543 cyn y digwyddiad i gysylltu â ni."

Nid yw'r beiciwr modur yn lleol i'r ardal, ac mae ei deulu bellach yn derbyn cefnogaeth gan swyddogion arbenigol.