Carcharu gyrrwr lori meddw wedi gwrthdrawiad Ceredigion
- Cyhoeddwyd
Mae gyrrwr lori wedi ei garcharu am yrru ei gerbyd 44 tunnell gyda thair gwaith y lefel gyfreithiol o alcohol yn ei waed.
Fe wnaeth y gyrrwr, Ioan Sandu, sy'n 48 oed ac yn ddinesydd tramor, gyfaddef yfed a gyrru ar ôl cael ei arestio yn Llanddewi Brefi, Ceredigion.
Dywedodd Heddlu Dyfed-Powys bod y lori'n gyrru'n ddiofal ar 20 Awst, cyn gwrthdaro â char a gwrychoedd ac atal ffordd am rai oriau.
Dangosodd prawf bod 105 microgram o alcohol yn ei anadl. Y terfyn cyfreithiol yw 35 microgram.
Yn ogystal â'i garcharu, cafodd Sandu ei wahardd rhag gyrru am 28 mis.