Eich enwau anwes chi ar eich trefi

Roedd dipyn o ymateb i'n herthygl ddiweddar Beth ydych chi'n galw eich tref chi?, a oedd yn edrych ar yr arferiad o roi enwau 'anwes' neu enwau byrrach ar drefi, yn hytrach na defnyddio'r enwau swyddogol.

Cawsom enghreifftiau gennych chi ar e-bost, ar Facebook ac ar Twitter:

Atgoffodd Elfed Morgan ni am enw anwes sydd mae'n siŵr yn gyfarwydd i nifer ohonom ni - Llanbêr am Llanberis.

Nid nepell o Lanbêr, mae Llanbabo neu Llanbabs...

Lle?

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Like a Rolling Stone

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Wrth gwrs!

Cysylltodd Arthur Owen i ddweud yr un peth - mai Llanbabo ydy llysenw y pentref (neu 'pentra') i'w wahaniaethu o'r ardal ehangach sydd yn cynnwys Clwt y Bont a Gallt y Foel.

I fyny'r ffordd mae Pessawaen, yn ôl Sion Rees Williams - neu Penisarwaun. Ond fel nododd Sion, mae yna'n aml ansicrwydd wedi bod ynglŷn â sillafiad y pentref - felly efallai mai ei alw'n Pessawaen sydd orau?!

Penisarwaun

Mae dipyn o leoedd ar Ynys Môn sydd ag enwau anwes. Soniodd Sian Jones mai Bod-ed yw'r enw lleol am Bodedern, a Lla'ch-medd yw Llannerchymedd, ac wrth gwrs, Berffro am Aberffraw.

Anfonodd Clare e-bost atom ni yn sôn am Berffro hefyd - ac yn benodol yn cyfeirio ar deisen Berffro - bisged draddodiadol o'r ardal, sydd siâp cragen fylchog.

Teisen Berffro

Soniodd Elis Jones am enwau anwes Trefeglwys ym Mhowys, a Bryneglwys yn Sir Ddinbych. Trefeg a Bryneg yw'r enwau anwes arnyn nhw - mae'r elfen 'eglwys' yn cael ei golli yn y ddau enw. Tybed beth yw arwyddocâd hyn?

Yn aml, mae enwau sy'n dechrau â Llan yn cael eu cyfeirio atyn nhw fel Llan - ond fel dywedodd Elis, Lani yw Llanidloes iddo ef.

Ac nid Aber mae Abererch ger Pwllheli yn cael ei alw, meddai Caroline:

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X 2 gan Caroline Jones

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Yn ôl Steff Rees o Bontyberem, mae Meinciau yng Nghwm Gwendraeth yn cael ei alw'n Mince ('mink-ke') ar lafar.

Mae Adam Jones yn galw Glanaman a Brynaman yn Glaman a Braman. Yn amlwg, does dim amser i ynganu pob un sill.

Mae Lowri Williams yn dod o Donyrefail ac yn cyfeirio ato fel Ton. Tybed oes sefyllfa debyg gyda phentrefi Tonypandy a Ton Pentre? Efallai byddai hynny'n gwneud pethau'n gymhleth...

A druan o Landysul - Llandismal mae Mathew Rees yn ei alw. Ddim cweit yn enw 'anwes' efallai...