Cyfarwyddwr Clwb Criced Morgannwg yn camu i lawr

Roedd Hugh Morris wedi bod yn gyfarwyddwr Morgannwg am bum mlynedd

Mae cyfarwyddwr Clwb Criced Morgannwg wedi rhoi'r gorau i'w swydd ar ôl tymor anodd i'r tîm ar y cae.

Bydd Hugh Morris yn camu o'i rôl, ond yn parhau fel prif weithredwr y clwb.

Cafodd y penderfyniad ei wneud yng nghyfarfod y bwrdd ddydd Iau yn dilyn adolygiad annibynnol allanol ar dymor y clwb.

Fe orffennodd Morgannwg ar waelod ail adran Pencampwriaeth y Siroedd y tymor diwethaf.

• Morgannwg yn ennill o'r diwedd

• Morgannwg ddim yn gorfod ad-dalu dyled

Dywedodd Mr Morris mai dyma'r amser cywir i ddod â rhywun â "phersbectif ffres" i'r clwb yn dilyn "perfformiadau siomedig ar y cae".

Bydd mwy o gyhoeddiadau yn yr wythnosau i ddod, meddai'r clwb, yn dilyn cyfarfod y bwrdd.