Jess Fishlock yn derbyn yr MBE ym Mhalas Buckingham

Mae Jess Fishlock wedi chwarae 101 o weithiau i Gymru

Mae'r chwaraewr pêl-droed sydd wedi chwarae'r nifer mwyaf o gemau dros Gymru wedi derbyn anrhydedd gan Dywysog Cymru ym Mhalas Buckingham.

Mae Jess Fishlock, 31 oed ac sydd wedi ennill 101 o gapiau rhyngwladol, wedi derbyn MBE am ei chyfraniad i bêl-droed.

• Anrhydeddau i Fishlock a Fitzpatrick

• Fishlock yn ystyried ymddeol o Gymru

Roedd Fishlock yn chwaraewr allweddol yn nhîm Jayne Ludlow yn ystod yr ymgyrch ddiwethaf i geisio cyrraedd Cwpan y Byd 2019, pan fethodd Cymru yn ei gêm olaf yn erbyn Lloegr.

Mae Fishlock bellach yn chwarae i glwb Lyon yn Ffrainc ac yn parhau i fod ar gael i Gymru er iddi ddweud yn yr haf ei bod hi'n ystyried ymddeol o bêl-droed rhyngwladol.