Tri wedi'u hanafu wedi gwrthdrawiad yn Sir Gaerfyrddin

Mae tri pherson wedi'u hanafu yn dilyn gwrthdrawiad rhwng pump o geir ar yr M4 yn Sir Gaerfyrddin.

Digwyddodd y gwrthdrawiad oddeutu 16:30 rhwng cyffordd Hendy a Phont Abraham.

Ar un adeg roedd swyddogion tân o Rydaman a Phontarddulais ar y safle ac anfonodd y Gwasanaeth Ambiwlans saith cerbyd i gynorthwyo.

Mae'r tri sydd wedi eu hanafu wedi cael eu cludo i Ysbyty Glangwili yng Nghaerfyrddin.

Mae'r heol rhwng cyffyrdd 48 a 49 i gyfeiriad y gorllewin bellach ar agor wedi iddi fod ynghau am gyfnod.