A4067: Bachgen, 11, mewn cyflwr difrifol wedi gwrthdrawiad
- Cyhoeddwyd
Cafodd y bachgen ei hedfan i'r ysbyty yn dilyn y gwrthdrawiad ar yr A4067 ddydd Mawrth
Mae bachgen 11 oed yn parhau mewn cyflwr difrifol ond sefydlog yn yr ysbyty yn dilyn gwrthdrawiad rhwng chwe char a bws yn Abertawe.
Cafodd y gwasanaethau brys eu galw i'r digwyddiad ar yr A4067, rhwng Glais a Phontardawe, toc wedi 08:30 fore Mawrth.
Dywedodd Heddlu De Cymru bod dyn 75 oed gafodd ei arestio yn dilyn y gwrthdrawiad bellach wedi ei ryddhau dan ymchwiliad.
Roedd y ffordd ynghau am oriau ddydd Mawrth wrth i'r heddlu ymchwilio.
Mae'r llu yn apelio ar unrhyw dystion neu unrhyw un sydd â fideo dashcam o'r digwyddiad i gysylltu â nhw.