Llofruddiaeth Caerdydd: Cyhuddo dau ddyn
- Cyhoeddwyd
Bu farw Fahad Mohamed Nur yn dilyn digwyddiad y penwythnos diwethaf
Mae'r heddlu wedi cyhuddo dau ddyn o lofruddiaeth yn dilyn marwolaeth dyn yng Nghaerdydd.
Mae Abdulghalil Aldobhani, 22, o Cathays, a Shafique Shaddad, 24, o Drebiwt, wedi eu cyhuddo o lofruddio Fahad Mohamed Nur, 18.
Mae Aseel Arar, gwraig 34 oed o Birmingham, wedi ei chyhuddo o gynorthwyo troseddwr.
Cafodd y tri eu cadw yn y ddalfa, ac mae disgwyl iddyn nhw ymddangos ger bron Llys Ynadon Caerdydd ddydd Sadwrn.
Mae'r heddlu yn parhau i holi dyn 21 oed o Gaerdydd mewn cysylltiad â'r digwyddiad.
Dywedodd yr heddlu eu bod yn parhau i apelio am dystion ac maen nhw wedi diolch i'r gymuned am y cymorth a roddwyd hyd yma yn ystod yr ymchwiliad.