Gwrthdrawiad Pencader: Menyw ag anafiadau difrifol

Mae menyw yn yr ysbyty gydag anafiadau difrifol ar ôl gwrthdrawiad yn Sir Gaerfyrddin ddydd Sul.

Cafodd Heddlu Dyfed-Powys eu galw i'r gwrthdrawiad rhwng lori a char Vauxhall Astra arian ar yr A485 yn Windy Corner, ger Pencader, tua 12:15.

Roedd menyw a oedd yn gyrru'r Astra yn sownd yn y car.

Ar ôl i'r gwasanaeth tân ei chael hi allan, cafodd ei chludo i'r ysbyty mewn ambiwlans awyr gydag anafiadau difrifol.

Mae'r ffordd yn parhau ar gau, ond mae ffordd B4459 Pencader yn dal ar agor.