Tân mewn siop sglodion a thafarn yn Llanelli
- Cyhoeddwyd
Mae'r tân bellach "dan reolaeth", yn ôl swyddogion
Mae tua 30 o swyddogion tân wedi bod yn delio â thân difrifol a ddechreuodd mewn siop sglodion yn Llanelli brynhawn Iau.
Cafodd y Gwasanaeth Tân eu galw i Siop Sglodion Dafen ar Ffordd Maescanner, Dafen am tua 14:00.
Roedd rhaid i swyddogion helpu un dyn i adael yr adeilad yn ddiogel.
Fe wnaeth y tân ledu i'r dafarn drws nesaf, The Bush Inn, hefyd ond mae'r digwyddiad bellach "dan reolaeth".
Nid oes unrhyw adroddiadau bod unrhyw un wedi cael ei anafu.
