Gyrrwr beic modur wedi marw mewn gwrthdrawiad gyda char
- Cyhoeddwyd
Fe ddigwyddodd y gwrthdrawiad wrth fynedfa Clwb Golff Y Trallwng
Mae'r heddlu'n apelio am wybodaeth ar ôl i yrrwr beic modur farw mewn gwrthdrawiad gyda char dros y penwythnos.
Cafodd Heddlu Dyfed-Powys eu galw i'r A458 ger y fynedfa i Glwb Golff Y Trallwng ym Mhowys am 17:50 ddydd Sadwrn.
Roedd y gwrthdrawiad wedi digwydd rhwng car Toyota Landcruiser coch a beic modur Suzuki arian.
Bu farw gyrrwr y beic modur yn y fan a'r lle.
Mae'r heddlu'n gofyn i unrhyw un sydd â gwybodaeth i gysylltu gyda nhw ar 101.