Merched Met Caerdydd 1-0 Pomurje Beltinci
- Cyhoeddwyd
Tîm merched Met Caerdydd ydy pencampwyr Uwch Gynghrair Cymru
Fe wnaeth tîm merched Met Caerdydd drechu Pomurje Beltinci oddi cartref yn Slofenia yn eu gêm agoriadol yn rownd ragbrofol Cynghrair y Pencampwyr.
Naomi Clipston sgoriodd y gôl fuddugol yn y munudau olaf, gan godi'r bêl dros ben y golwr i gefn y rhwyd.
Dyma'r drydedd fuddugoliaeth yn unig i dîm Met Caerdydd yng nghystadlaethau Ewrop.
Fe fyddan nhw'n chwarae Hibernian yn eu gêm nesaf yn y gystadleuaeth ddydd Sadwrn, gyda'r gemau i gyd yn cael eu chwarae yn Slofenia.
Met Caerdydd fyddai'r tîm cyntaf o Gymru i hawlio eu lle yn y 32 olaf pe byddan nhw'n mynd trwyddo o'u grŵp yn y rownd ragbrofol.