Apêl heddlu wedi gwrthdrawiad angheuol yn Abertawe
- Cyhoeddwyd
Fe ddigwyddodd y gwrthdrawiad ar yr A4067, Ffordd Mumbles
Mae Heddlu'r de yn apelio am wybodaeth yn dilyn gwrthdrawiad angheuol yn Abertawe ddydd Sadwrn.
Fe ddigwyddodd y gwrthdrawiad rhwng car Ford Galaxy lliw arian a beic modur Kawasaki gwyrdd am 17:20 ar yr A4067, Ffordd Mwmbwls yn y ddinas.
Bu farw gyrrwr y beic modur, dyn 50 oed o ardal Abertawe yn y fan ar lle.
Mae ei deulu wedi cael gwybod ac maen nhw'n derbyn cefnogaeth gan swyddogion arbenigol ar hyn o bryd.
Dyn yn y ddalfa
Fe gafodd y bobl oedd yn teithio yn y car eu cludo i'r ysbyty er mwyn derbyn triniaeth.
Mae gyrrwr y car, dyn 29 oed o ardal Bradley Stoke wedi cael ei arestio ar amheuaeth o achosi marwolaeth drwy yrru'n beryglus ac mae'n parhau yn y ddalfa.
Mae swyddogion yn awyddus i glywed gan unrhyw un welodd y gwrthdrawiad neu'r ffordd oedd y cerbydau'n cael eu gyrru cyn i'r gwrthdrawiad ddigwydd.
Os oes gan unrhyw un wybodaeth neu ddeunydd fideo o'u ceir yna mae'r llu yn gofyn iddyn nhw ffonio 101.