Beiciwr modur wedi marw mewn gwrthdrawiad ar yr A483
- Cyhoeddwyd
Fe ddigwyddodd y gwrthdrawiad ar yr A483 rhwng Y Groes a Llanbister
Mae beiciwr modur wedi marw yn dilyn gwrthdrawiad gyda char ar yr A483 ym Mhowys.
Bu farw'r dyn 52 oed o ardal Caerloyw yn dilyn y digwyddiad rhwng Y Groes a Llanbister am tua 11:45 ddydd Sul.
Roedd ei feic modur Kawasaki gwyrdd yn teithio tua'r de pan fu mewn gwrthdrawiad â char Ford S-Max arian oedd yn gyrru am y gogledd.
Mae Heddlu Dyfed-Powys wedi apelio ar unrhyw dystion neu unrhyw un sydd â fideo dashcam o'r ffordd tuag adeg y digwyddiad i gysylltu â'r llu.