Dyn wedi marw ac un arall yn yr ysbyty ar ôl gwrthdrawiad
- Cyhoeddwyd
Mae un dyn wedi marw ac un arall mewn cyflwr difrifol yn dilyn gwrthdrawiad ar Ffordd Blaenau'r Cymoedd brynhawn Mawrth.
Cafodd y gwasanaethau brys eu galw i wrthdrawiad rhwng Renault Kangoo glas a Renault Megane du ar yr A465 tua 16:10.
Bu farw gyrrwr y Kangoo, dyn 63 oed, yn y fan a'r lle.
Cafodd gyrrwr y Megane, dyn 27 oed, ei gludo i Ysbyty Athrofaol Cymru yng Nghaerdydd lle mae'n parhau i fod mewn cyflwr difrifol.
Bu'r ffordd ar gau am gyfnod ac mae'r heddlu'n apelio am dystion.