Llofruddiaeth Casnewydd: Dau ddyn yn mynd o flaen llys
- Cyhoeddwyd
Cafodd Shafiul Islam ei ganfod gydag anafiadau difrifol i'w ben yn ardal Shaftsbury, Casnewydd
Mae dau ddyn wedi ymddangos yn Llys Ynadon Casnewydd wedi eu cyhuddo o lofruddio dyn 22 oed.
Cafwyd hyd i Shafiul Islam gydag anafiadau difrifol mewn tŷ yn ardal Shaftesbury yn y ddinas nos Iau, 14 Tachwedd a bu farw o'i anafiadau yn Ysbyty Brenhinol Gwent.
Cafodd Perrie Dunwell, 32, o Gasnewydd ac Euan Peters, 40, o Gaerdydd eu cadw yn y ddalfa ac mae disgwyl iddyn nhw fynd o flaen Llys y Goron Caerdydd ddydd Llun.
Siaradodd y ddau, sydd hefyd wedi eu cyhuddo o gynllwynio i ladrata, ond i gadarnhau eu henwau a'u cyfeiriadau.
Mae dyn arall, Conlan Dunnion, 22, o ardal Maesglas Casnewydd, eisoes yn yn y ddalfa ar ôl ymddangos mewn llys ddydd Iau wedi'i gyhuddo o lofruddiaeth.