'Yma o Hyd' yn cyrraedd y brig ar siart iTunes

Dafydd Iwan

Mae'r gân 'Yma o Hyd' wedi llwyddo i gyrraedd y brig yn y siart iTunes cyfredol - gan gystadlu gydag artistiaid fel Stormzy a Lewis Capaldi.

Daw ei llwyddiant, yn rhannol, oherwydd ymgyrch gan y mudiad dros annibyniaeth i Gymru, YesCymru.

Roedd y gân yn parhau ar frig y siart fore Llun.

Dywed Cadeirydd YesCymru fod yr ymgyrch wedi bod yn un anffurfiol, ond yn fodd o godi hwyl a chodi ymwybyddiaeth.

"Mae'n ymgyrch llawr gwlad," meddai Siôn Jobbins.

"Mae'n rhywbeth cyfeillgar sy'n gwneud i bobl wenu ond mae hefyd yn datblygu ymwybyddiaeth ar yr un pryd.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Dafydd Iwan

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

"Mae'r gân wedi datblygu fel anthem answyddogol i rai, ac mae'r ffaith ei bod yn gwneud mor dda yn y siartiau yn codi ymwybyddiaeth pobl o'r iaith.

"Mae'n rhywbeth symbolaidd, yn rhywbeth anffurfiol ac mae'n dod â hwyl."

Cafodd y gân, sy'n cael ei chanu gan Dafydd Iwan ac Ar Log, ei hysgrifennu yn yr 1980au.

Mae'r gân hefyd yn rhif un yn y categori canwr ac awdur.

Mae'r rhanbarth rygbi'r Scarlets wedi mabwysiadu'r gân, ac mae'n cael ei chwarae ar ddechrau pob gêm ym Mharc y Scarlets.

"Rwy'n falch iawn o glywed," meddai'r canwr Dafydd Iwan wrth siarad â Cymru Fyw, gan ddweud fod y gân yn un o'r ffefrynnau ac yn aml yn gorffen ei berfformiadau.

"Ro'n i'n ymwybodol bod yna ymgyrch ar droed gan YesCymru ac eraill i gefnogi'r trac, er mwyn ei galluogi i fynd i fyny'r siartiau ond mae wedi digwydd yn gynt nag oeddwn i wedi'i ddisgwyl.

"O bosib wneith y peth adael i mi riteirio!

"Ond mae'r gân yn cael ei chanu gan dorfeydd rygbi a phêl-droed, ac fel nifer o ganeuon Cymraeg ar ôl 'chydig o amser mae'n cyrraedd cynulleidfaoedd di-Gymraeg.

"Y peth sy'n rhyfeddol yw iddi gael ei sgwennu yn ystod yr 80au - mae'n rhyfeddol i feddwl!"

Straeon perthnasol