Y Gynghrair Genedlaethol: Chesterfield 3-2 Wrecsam

Colli wnaeth Wrecsam yn y munudau olaf yn y Gynghrair Genedlaethol ddydd Sadwrn oddi cartref yn erbyn Chesterfield.

Fe lwyddodd Wrecsam i gael y gôl gyntaf wedi i Will Evans, chwaraewr Chesterfield, sgorio i'w rhwyd ei hun ar ôl 21 munud.

O fewn pedair munud fe wnaeth Tom Denton unioni'r sgôr a chyfartal oedd hi ar yr egwyl.

Ar ôl 68 munud roedd Wrecsam ar y blaen eto wedi gôl gan Jordan Ponticelli ond pharodd yr oruchafiaeth ddim yn hir gan i Liam Mandeville unioni'r sgôr.

Ond er gwaethaf sawl ymdrech gan y Dreigiau, Curtis Nelson o Chesterfield a sgoriodd a hynny yn ystod yr amser ychwanegol.