Dynes yn ei 50au wedi marw mewn gwrthdrawiad yn Sir Gâr

Mae dynes yn ei 50au wedi marw yn dilyn gwrthdrawiad yn Sir Gâr dros y penwythnos.

Cafodd Heddlu Dyfed-Powys eu galw i'r digwyddiad ar lôn gefn rhwng Afon Dulais a Phantygwyn, Capel Dewi am tua 15:00 brynhawn Sadwrn.

Dywedodd y llu mai un car - Nissan NV200 Acenta llwyd - oedd yn rhan o'r digwyddiad, a bod y gyrrwr wedi marw yn y fan a'r lle.

Mae'r heddlu yn apelio ar unrhyw dystion i gysylltu â'r llu.