Ymchwiliad i ddwy farwolaeth sydyn yn Abergwili
- Cyhoeddwyd
Cafodd yr heddlu eu galw i eiddo ar Stryd Fawr Aberwili yn gynnar nos Iau
Mae Heddlu Dyfed-Powys yn cynnal ymchwiliad wedi marwolaeth sydyn dyn a menyw mewn eiddo yn Sir Gaerfyrddin.
Cafodd y gwasanaethau brys eu galw i eiddo ar Stryd Fawr Abergwili ychydig ar ôl 18:00 ddydd Iau.
Dywed y llu eu bod yn trin y marwolaethau fel rhai heb esboniad ar hyn o bryd, ac nid oes cysylltiad rhwng y marwolaethau a coronafeirws.
Mae perthnasau'r ddau berson a'r crwner wedi cael gwybod am y marwolaethau.