Cyhuddo dyn o geisio llofruddio yng Nghaerdydd

Bydd Keiron Hassan yn ymddangos yn Llys Ynadon Caerdydd fore Gwener

Mae dyn wedi cael ei gyhuddo o geisio llofruddio yn dilyn ymosodiad difrifol ar ddyn 21 oed yng Nghaerdydd.

Bydd Keiron Alexander Hassan, 32, yn ymddangos yn Llys Ynadon Caerdydd fore Gwener.

Mae dau ddyn arall, a gafodd eu harestio dydd Iau, yn parhau yn y ddalfa.

Mae'r heddlu'n parhau i roi cymorth i'r dioddefwr 21 oed o ardal Tremorfa, Caerdydd, ac maen nhw'n apelio am dystion mewn cysylltiad â'r achos.