Cyhoeddi enw beiciwr modur fu farw ym Mae Caerdydd
- Cyhoeddwyd
Mae Heddlu De Cymru wedi cyhoeddi enw dyn 54 oed fu farw mewn gwrthdrawiad beic modur ym Mae Caerdydd.
Bu farw John Crofts, o ardal Grangetown, yn y digwyddiad ar yr A4232 am 18:00 ddydd Iau.
"Mae'r rheiny sy'n ei adnabod yn gwybod cymaint o bresenoldeb oedd e, a chymaint y bydd yn cael ei golli gan bawb," meddai ei deulu mewn datganiad.
Mae'r heddlu yn parhau i apelio ar unrhyw dystion i gysylltu â'r llu.