Beiciwr modur yn marw mewn gwrthdrawiad gyda char
- Cyhoeddwyd
Fe ddigwyddodd y gwrthdrawiad yng nghyffordd Lôn Goitre cylchffordd Gurnos
Mae beiciwr modur wedi marw wedi gwrthdrawiad gyda char ym Merthyr Tudful.
Fe ddigwyddodd y gwrthdrawiad ychydig wedi 18:10 nos Sul ar gylchffordd Gurnos yng nghyffordd Lôn Goitre.
Bu farw gyrrwr 42 oed beic modur Kawasaki coch yn y fan a'r lle wedi'r gwrthdrawiad oedd yn cynnwys car Ford Focus du.
Bu'n rhaid cau'r ffordd am rai oriau wedi'r digwyddiad.
Dywed Heddlu De Cymru fod teulu'r dyn a fu farw yn cael cefnogaeth arbenigol.
Mae'r llu'n apelio am wybodaeth gan unrhyw un a welodd y gwrthdrawiad neu a welodd y cerbydau cyn y digwyddiad.