Beiciwr modur wedi marw mewn gwrthdrawiad ger Llandeilo
- Cyhoeddwyd
Cafodd yr heddlu eu galw i'r digwyddiad ar yr A40 ger Llandeilo am 14:30 ddydd Mercher
Mae beiciwr modur 60 oed wedi marw yn dilyn gwrthdrawiad gyda char ar yr A40 ger Llandeilo.
Dywedodd Heddlu Dyfed-Powys eu bod wedi cael eu galw i'r gwrthdrawiad rhwng car Citroën Xsara llwyd a beic modur Triumph Daytona melyn am tua 14:30 brynhawn Mercher.
Yn ôl y llu bu farw'r dyn 60 oed oedd ar y beic modur yn fuan wedi'r digwyddiad.
Mae'r heddlu yn apelio ar unrhyw dystion neu unrhyw un sydd â fideo dashcam o'r digwyddiad i gysylltu â nhw.