Y Bencampwriaeth: Caerdydd 1-1 Middlesbrough

Neil Harris (chwith) yn olynu Neil Warnock fel rheolwr yr Adar Gleision yn 2019

Gêm gyfartal gafodd yr Adar Gleision adref yn erbyn Middlesbrough ddydd Sadwrn yn nghanol y glaw.

George Saville ar ran yr ymwelwyr a sgoriodd gyntaf gan roi ei dîm ar y blaen hanner amser ond wedi 70 munud roedd yna gôl i Sheyi Ojo ac roedd y ddau dîm yn gyfartal - Ojo yn llwyddo i sgorio ar ôl peniad Kieffer Moore.

Roedd Ojo yn agos i sgorio yr ail dro ond aeth y bêl heibio'r postyn.

Dyma ail gôl Sheyi Ojo i Gaerdydd mewn tair gêm

Mae'r Adar Gleision felly yn parhau i geisio cael buddugoliaeth adref y tymor hwn wedi iddynt sicrhau eu pwynt cartref cyntaf o'r tymor nos Fercher yn erbyn Bournemouth.

Roedd Neil Warnock, cyn-reolwr yr Adar Gleision, ond sydd bellach yn rheoli Middlesbrough yn falch na lwyddodd Caerdydd i ennill adref.

Mae Middlesbrough yn disgyn i'r trydydd-safle-ar-ddeg yn y tabl a Chaerdydd yn disgyn i'r pymthegfed safle wedi saith gêm yr un.