Beiciwr modur yn marw wedi gwrthdrawiad yn Sir Benfro
- Cyhoeddwyd
Roedd Debbie Anne Rodgers yn deithiwr brwd, yn ôl ei theulu
Mae menyw 41 oed wedi marw yn dilyn gwrthdrawiad yn Sir Benfro brynhawn Gwener.
Cafodd y gwasanaethau brys eu galw i'r A487 tua 15:50 ym mhentref Felindre Farchog, ger Eglwyswrw wedi gwrthdrawiad rhwng beic modur Yahama 125cc a char Vauxhall Astra.
Bu farw'r beiciwr modur, Debbie Anne Rodgers, oedd yn byw ym mhentref Dinas, yn y fan a'r lle.
Mae ei theulu wedi cyhoeddi neges yn ei disgrifio fel "merch, chwaer, modryb, nith, cyfnither a chyfaill" ac "ein teithiwr annibynnol hardd" oedd "wastad yn trefnu ei thaith nesaf".
Ychwanega'r datganiad: "Hed yn fry.... nid oes angen pasbort ar gyfer hon, dy siwrne olaf."
Mae Heddlu Dyfed-Powys yn apelio am wybodaeth a lluniau dash cam gan unrhyw un oedd yn yr ardal o gwmpas adeg y gwrthdrawiad.
Fe ddigwyddodd y gwrthdrawiad ym mhentref Felindre Farchog