Cyflwynwyr newydd i raglen Post Prynhawn ar Radio Cymru

Dylan JonesBBC Cymru

Mae Dylan Jones wedi bod yn cyflwyno Post Cyntaf ar BBC Radio Cymru ers 2014

Mae BBC Cymru wedi cyhoeddi mai Dylan Jones a Nia Thomas ydy cyflwynwyr newydd rhaglen newyddion Post Prynhawn ar BBC Radio Cymru.

Fe gadarnhaodd y gorfforaeth y bydd Dylan Jones yn cyflwyno o ddydd Mawrth i ddydd Gwener yn y flwyddyn newydd a Nia Thomas fydd wrth y llyw ddydd Llun.

Mae Dylan Jones wedi bod yn cyd-gyflwyno rhaglen foreol Post Cyntaf ar yr orsaf gyda Kate Crockett ers wyth mlynedd.

Mae'r BBC bellach yn chwilio am gyflwynydd newydd i Post Cyntaf ac mae'r gorfforaeth wedi cyhoeddi hysbyseb ar gyfer y swydd honno.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Dylan Jones

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Fis Hydref fe gyhoeddodd BBC Radio Cymru nifer o newidiadau i'w hamserlen, a fydd yn dod i rym yr wythnos hon.

Bob bore Gwener, gan gychwyn ar 20 Tachwedd, bydd Trystan Ellis-Morris ac Emma Walford yn cyflwyno rhaglen fyw newydd rhwng 09:00 a 11:00.

Mae Hanna Hopwood Griffiths yn ymuno â'r orsaf fel cyflwynydd rhaglen newydd ar nos Fawrth, a bydd rhaglen gyda'r hwyr Ffion Emyr yn cael ei darlledu ar nos Wener yn ogystal ag ar nos Sadwrn.

Mae'r rhaglenni sy'n cael eu darlledu ar hyn o bryd am 18:00 rhwng nos Lun a nos Iau - Stiwdio, Dei Tomos, Cofio a Beti a'i Phobl - yn symud i 21:00 dan y drefn newydd.

Straeon perthnasol