Dyn 20 oed wedi marw wedi gwrthdrawiad ger Llandybie
- Cyhoeddwyd
Fe wrthdarodd y car ger Llandybie am 20:45 nos Wener
Mae dyn 20 oed wedi marw wedi gwrthdrawiad un car yn Sir Gaerfyrddin.
Fe wrthdarodd y car Vauxhall Corsa gwyn ar Ffordd Penygroes, Blaenau, ger Llandybie nos Wener am 20:45.
"Ry'n yn meddwl am y teulu sy'n cael eu cefnogi gan swyddogion arbenigol," medd llefarydd ar ran Heddlu Dyfed-Powys.
Mae plismyn yn apelio am dystion neu am gymorth unrhyw un sydd â ffilm camera cerbyd a allai fod o ddefnydd.