Corff wedi'i ddarganfod yn Afon Taf yng Nghaerdydd

Cafodd y gwasanaethau brys eu galw toc wedi 09:00 fore Iau

Mae corff dyn wedi ei ganfod yn Afon Taf yng Nghaerdydd.

Cafodd y gwasanaethau brys eu galw wedi i aelod o'r cyhoedd weld corff yn ardal y Gored Ddu (Blackweir) ger Pontcanna am oddeutu 09:00 fore Iau.

Cafodd yr ardal, sydd gerllaw Llwybr Taf, ei chau wrth i'r gwasanaethau brys dynnu'r corff o'r afon. Dywed Heddlu'r De bod y farwolaeth yn cael ei thrin fel un "anesboniadwy".

Dywed ditectifs bod y broses o adnabod y corff ac ymchwiliad ar fin dechrau.

Mae'r crwner lleol wedi'i hysbysu.