Dirwyo cefnogwyr am dorri rheolau Covid

Fe wnaeth yr heddlu ddirwyo 14 o gefnogwyr rygbi am dorri rheolau Covid drwy gynnal parti wrth wylio'r gêm rygbi rhwng Cymru a Ffrainc nos Sadwrn.

Dywed Heddlu De Cymru fod hwn yn un o 1,500 o alwadau iddynt ymateb iddynt ddydd Sadwrn - "un o'r diwrnodau prysuraf yn 2021" meddai un swyddog wrth drydar.

Cafodd o leiaf 32 o ddirwyon eu rhoi yn ardal Castell-nedd Port Talbot lle daeth yr heddlu o hyd i gefnogwyr yn gwylio'r gêm ym Mhencampwriaeth y Chwe Gwlad.

Does gan wahanol aelwydydd ddim hawl i gymysgu dan do yn ôl rheolau Covid.

Dywed yr heddlu yn Abertawe iddynt hefyd dderbyn galwadau am bartïon yn cael eu cynnal yn ystod y gêm bêl-droed rhwng Abertawe a Chaerdydd.

Roedd cefnogwyr rygbi wedi cael eu hatgoffa cyn y gêm ar gyfer y Gamp Lawn i aros adre i wylio er mwyn osgoi ymledu'r haint.