Y Gynghrair Genedlaethol: Woking 0-4 Wrecsam

Fe dreuliodd Jordan Davies amser ar fenthyg gyda CPD Bangor pan yn iau

Sicrhaodd Wrecsam driphwynt hanfodol yn eu hymgais i gyrraedd y gemau ail gyfle gyda buddugoliaeth yn Woking.

Rhoddodd Luke Young yr ymwelwyr ar y blaen o'r smotyn ar ôl i Ben Gerrings faglu Jordan Davies.

Dyblodd Reece Hall-Johnson fantais Wrecsam yn gynnar yn yr ail hanner, gan rwydo croesiad Jamie Reckord o'r chwith.

Seliodd gôl gyntaf Gold Omotayo i'r clwb, ac un arall i Davies - ei bedwaredd mewn dwy gêm - ail fuddugoliaeth yn olynol o 4-0 i Wrecsam.

Roedd Davies, 22, wedi sgorio hat-tric yn y fuddugoliaeth ganol wythnos yn Halifax.

Mae tîm Dean Keates yn bumed yn y tabl.