Datgelu gwrthwynebwyr timau Cymru yn Ewrop

Cei Connah wnaeth ennill Uwch Gynghrair Cymru am yr ail dro yn olynol eleni

Bydd pencampwyr Uwch Gynghrair Cymru, Cei Connah yn wynebu FC Alashkert o Armenia yn rownd ragbrofol gyntaf Cynghrair y Pencampwyr.

Fe fydd Cei Connah yn chwarae eu gêm gartref ar gae Aberystwyth ar 6 neu 7 Gorffennaf.

Bydd yr ail gymal yn cael ei gynnal yr wythnos ganlynol.

Dyma'r ail dymor yn olynol i dîm Andy Morrison gystadlu yng ngemau rhagbrofol Cynghrair y Pencampwyr.

Y llynedd, colli o 2-0 oedd eu hanes i FK Sarajevo yn Stadiwm Dinas Caerdydd.

Yng Nghynghrair Europa, fe fydd Y Seintiau Newydd yn wynebu Glentoran o Ogledd Iwerddon yn y rownd gyntaf.

Bydd Y Bala hefyd yn wynebu tîm o Ogledd Iwerddon yn yr un gystadleuaeth ar ôl tynnu enw Larne o'r het.

Tîm o'r Weriniaeth, Dundalk, fydd yn herio'r Drenewydd yng nghystadleuaeth newydd Cyngres Europa.