Medal aur arall i Aled Siôn Davies

  • Cyhoeddwyd
Aled Sion DaviesFfynhonnell y llun, Getty Images
Disgrifiad o’r llun,

Bu Aled Siôn Davies yn cystadlu yn y taflu pwysau F63 fore Sadwrn

Mae'r Cymro Aled Siôn Davies wedi cipio ei drydedd medal aur wedi iddo ennill y gystadleuaeth taflu pwysau F63 yn y Gemau Paralympaidd yn Tokyo ddydd Sadwrn.

Roedd tafliad gorau y gŵr o Ben-y-bont sef 15.33m yn drech na'r cystadleuwyr eraill.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Chwaraeon Radio Cymru

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol
Diwedd neges X gan Chwaraeon Radio Cymru

Sajad Mohammadian o Iran a daflodd bellter o 14.88m oedd yn ail ac felly'n ennill y fedal arian a Faisal Sorour o Kuwait a gipiodd y fedal efydd wedi iddo daflu pellter o 14.13m.

Cyn cystadlu yn Tokyo dywedodd Davies y byddai ennill ei drydedd fedal aur yn golygu "popeth" iddo.

"Dwi wedi rhoi fy holl fywyd i fod y gorau," meddai. "Fi ond yn dod yma am un lliw."

Aled Siôn Davies yw capten tîm Prydain yn y gemau eleni.

Yn gynharach fe wnaeth Laura Sugar, a gafodd ei haddysg uwchradd yng Nghasnewydd, ennill rownd derfynol y caiacio 200m yn y gemau.