Enwi Jess Fishlock fel chwaraewr y flwyddyn yn America

Jess FishlockGetty Images

Mae Fishlock wedi chwarae i dimau yn Ewrop, Awstralia ac America yn ystod ei gyrfa

Mae Jess Fishlock wedi'i henwi'n chwaraewr mwyaf gwerthfawr prif gynghrair merched America eleni.

Mae'r Gymraes, sy'n chwarae i OL Reign, wedi sgorio pum gôl mewn 23 gêm yng Nghynghrair Bêl-droed Cenedlaethol y Merched, neu'r NWSL.

Fishlock yw'r unig Gymraes, a'r ail chwaraewr o Brydain, i ennill y wobr ers lansio'r gynghrair yn 2013.

Y chwaraewr 34 oed yw'r pêl-droediwr cyntaf i ennill dros 100 o gapiau dros Gymru.

Cyrhaeddodd Reign, clwb o Seattle, y gemau ail gyfle ond cawsant eu trechu gan Washington Spirit yn y rownd gynderfynol yn gynharach yn y mis.

Dywedodd y prif hyfforddwr Laura Harvey mewn datganiad ar nwslsoccer.com: "Os siaradwch chi â'r rhan fwyaf o bobl o amgylch y gynghrair a gofyn i'r hyfforddwyr fynd ag un chwaraewr o'n tîm ni, byddai bob un yn dewis Jess."

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan National Women’s Soccer League

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Pynciau cysylltiedig

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol