Dyn wedi marw ar ôl cael ei daro gan gar ar yr M4

Cafodd y dyn ei daro gan gar Nissan Qashqai arian rhwng cyffyrdd 46 a 47

Mae dyn 41 oed wedi marw ar ôl iddo gael ei daro gan gerbyd ar yr M4 yn ardal Abertawe.

Cafodd y dyn ei daro gan gar Nissan Qashqai arian rhwng cyffyrdd 46 a 47 toc wedi 20:30 nos Gwener.

Dywedodd Heddlu De Cymru y bu farw'r dyn, oedd yn lleol i'r ardal, yn y fan a'r lle.

Mae'r llu yn apelio ar unrhyw dystion neu unrhyw un sydd â lluniau dash-cam o'r digwyddiad i gysylltu â nhw.