Dau wedi'u cyhuddo o ddynladdiad merch 16 ym Mhowys
- Cyhoeddwyd
Mae dau wedi cael eu cyhuddo o ddynladdiad merch o Bowys drwy esgeuluster difrifol.
Cafwyd hyd i Kaylea Titford, 16, yn farw yn ei chartref yn Y Drenewydd ym mis Hydref 2020.
Dywed Heddlu Dyfed-Powys bod Alun Titford, 44, a Sarah Lloyd-Jones, 39, wedi eu cyhuddo o ddynladdiad drwy esgeuluster difrifol ac achosi neu ganiatáu marwolaeth plentyn neu berson bregus.
Mae'r ddau wedi'u rhyddhau ar fechnïaeth cyn ymddangos ger bron Llys Ynadon Y Trallwng ar 22 Mawrth.