Dyn yn yr ysbyty ar ôl adroddiad o drywanu

Cafodd yr heddlu eu galw i Heol Madoc tua 20:45 nos Fawrth 19 Ebrill

Mae dyn yn yr ysbyty yn dilyn adroddiad o drywanu yng Nghaerdydd nos Fawrth.

Cafodd heddlu arfog eu hanfon i Heol Madoc yn ardal Sblot yn dilyn galwad toc cyn 20:45.

Mae Heddlu De Cymru wedi dweud y bydd eu presenoldeb yn yr ardal yn cynyddu yn sgil y digwyddiad.

Mae'r llu wedi apelio am wybodaeth gan y cyhoedd.

"Mae nifer y troseddau â chyllell yn y DU wedi cynyddu dros y blynyddoedd diwethaf, ac nid ydy de Cymru'n wahanol i un man arall," meddai'r heddlu.