Beiciwr modur wedi marw mewn gwrthdrawiad yng Ngheredigion
- Cyhoeddwyd
Fe ddigwyddodd y gwrthdrawiad ar y B4576 rhwng Llanfarian a Llangwyryfon
Mae Heddlu Dyfed-Powys wedi cyhoeddi y bu farw beiciwr modur yn dilyn gwrthdrawiad yng Ngheredigion brynhawn Gwener.
Cafodd y gwasanaethau brys eu galw i'r digwyddiad ar y B4576 rhwng Llanfarian a Llangwyryfon ychydig cyn 15:15.
Dywedodd yr heddlu fod dau gerbyd yn rhan o'r gwrthdrawiad - beic modur Honda arian a char BMW du.
Bu farw'r dyn 62 oedd ar y beic modur yn y fan a'r lle.
Ychwanegodd y llu fod gyrrwr y BMW yn eu helpu gyda'u hymholiadau, a'u bod yn apelio am dystion.