Powys: Dyn wedi marw ar ôl gwrthdrawiad beic modur
- Cyhoeddwyd
Bu farw dyn yn dilyn gwrthdrawiad beic modur ar ffordd yr A44 ym Mhowys ddydd Sul.
Cafodd y gwasanaethau brys eu galw i'r ffordd rhwng Llanfihangel Nant Melan a Maesyfed tua 09:35 ar 3 Gorffennaf.
Yn ôl Heddlu Dyfed Powys, fe darodd y beic modur rwystr ar ochr y ffordd.
Cafodd y dyn oedd yn gyrru'r beic modur ei gludo i'r ysbyty ond bu farw yno'n ddiweddarach.
Mae'r heddlu'n apelio am wybodaeth.